रामेछाप– कोरोना भाइरस फैलिन नदिनको लागि स्थानीय संस्थाले लिखुतामाकोशी मा स्थापना गरेको हेल्थ डेक्समा १८ सय बढीले सेवा लिएका छन् । लिखुतामाकोशी गाउँपालिका वडा नम्बर २ सैपुको सिरिसे बजारमा बैशाख ८ गते देखि जेठ असार २ गते सम्म प्रगतिशिल ग्रामिण समाजले संचालनमा ल्याएको हेल्थ डेक्समा एक हजार ८ सय ७१ जनाले सेवा लिएका हुन् ।
रामेछाप र ओखलढंगाको विभिन्न ठाउँबाट आवतजावत गर्ने मानिसहरुको तापक्रम जाँच गर्ने, कोरोना भाइरसबाट बच्ने उपायको जानकारी दिनुको साथै माक्स नलगाई आउनेहरुलाई मक्स समेत वितरण गरिएको प्रगतिशिल ग्रामिण समाजका कोषाध्यक्ष टंकराम मगरातीले बताए ।
उक्त क्षेत्रमा निर्माणाधिन हाइड्रो पावरमा काम गर्न आउने कामदार र बाहिराबाट आउने स्थानीयले सेवा लिएको मगरातीले बताए । वडा कार्यालयको समन्वयमा कोरोना भाइरस नियन्त्रणको लागि राखिएको हेल्थ डेक्सबाट प्रवाह हुने सेवा अहिले बन्द गरिएको छ ।
